Ц.Оюунгэрэлийн "Америкт суралцсан тэмдэглэл" номын урамтай бас бурамтай хэсгүүд

1. Мөрөөдөлтэй бай. Мөрөөдөлгүй бол амьдралд таарах алтан боломжийг алдсаар байх болно. Гэхдээ оройтсон мөрөөдөл нь огт мөрөөдөлгүйгээс дээр. 

2. Өөрөөрөө бай. Өөрийн гэсэн үнэнээрээ байснаар нэг хэсэгтээ алдаж болно. Гэвч цаг хугацаа цаашлах тусам өөрийнхөөрөө байсан хүн л бусдад илүү ойлгомжтой болж, хүмүүс түүнд итгэдэг. 

3. Өөрийгөө зөвхөн өөрийнхөө өчигдөртэй л харьцуул. 

4. Өөрийнхөө төлөө өөрөө санаа тавь. 

5. Өөртөө итгэ. Өөрийгөө ямар ч хүнтэй эн зэрэгцэх нэр төртэй гэдгээ бүү март. Мехсикийн тариачин, Францын дизайнер, Америкийн фермийн эзэн, Монголын малчин гээд л шударгаар хөдөлмөрлөж байгаа бүх хүний нэр төр ижил хэмжээнд байдаг. Харин тэдний олох хөрөнгө чинээ ялгаатай боловч энэ нь зэрэг зиндааг тодорхойлох ялгаа огт биш юм. Хэрэв чи болоод гэр бүлийнхэн чинь шударгаар ажиллаж амьдардаг бол, хэрэв чиний зорилго тодорхой бөгөөд хүнлэг бол чамайг ойлгох, дэмжих олон хүмүүс, байгууллага байгаа гэдэгт итгэ. 

5. Эрх, эрх чөлөөгөө мэдэж ав. Хэн ч чамайг доромжлох, гутаах ёсгүй. 

6. Аав ээжийгээ ямар ч тохиолдолд буруушааж үл болно. 

7. Хэрэв мөнгөний эрэлд гарсан бол зам тааралдах бүхий л ажлын үнэмлэхүй ихэнхийг өөрөө нугал. Хэзээ ч бүү залхуур. Чамд туслахаар санаа тавьж байгаа хүмүүсийг жижиг сажиг ажлаар дарж огт болохгүй. Тэд зөвхөн чиний хийж чадахгүй зүйлд л цагаа зарцуулсан нь дээр. 

8. Алхам тутамдаа баярлалаа гэдгээ мартахгүй хэлж бай. Хэн ч чамд хайран цагаа зарцуулах огт албагүй. 

9. Хүсэл мөрөөдөл, хэрэгцээ шаардлага байгаагаа бусадтай хуваалцаж бай. 

10. Монгол хүн гэдгээрээ бахархаж, хор шартай, зориг тэвчээртэй яв. Бахархаж байгаа нь энэ гээд өөрийгөө "Чингисийн удам" энэ тэр гэж гайхуулах нь зохимжгүй. 
...та өөрөө хэн бэ гэдэг нь л сонин болохоос та хэний удам бэ гэдгээр нь үнэлэхгүй. 

"Пак Жөнхый - Солонгосын сэргэн мандалт" номын тэмдэглэл

"Эдүгээ бидний өмнө шинэ түүхийн үүр цайж байна. Энэ бол ядуурлын бус хөгжил цэцэглэлтийн түүх, бусдаас хараат бус бие дааж хөгжихийн түүх, хуваагдлын бус нэгдлийн түүх. Энэ бол үнэхээр сэргэн мандалтын гал бадран асч эхэлсэн түүх" Пак Жөнхый

ПАК ЖӨНХЫЙ ЗОРИЛТОО ДЭВШҮҮЛЭВ

1961 оны 5 сарын 16-нд Цэргийн хувьсгалт эргэлт хийхдээ 5 зүйлийн амлалт өгсөн юм. Эдгээр "Хувьсгалын 5 зорилт"-ыг хураангуйлбал:

1. Нийгмийн хүнд бэрхшээлийг арилган иргэдийн амьдралыг сайжруулах

2. Эдийн засгийн хувьд бие даах

3. Хойд Солонгостой хийх өрсөлдөөнд ялах 

ДЭЛХИЙ ХАМГИЙН ЯДУУ ОРОН

Солонгосын дайн дуусч, Гал зогсоох гэрээ байгуулсны дараа Өмнөд солонгосын дайны дараах сэргээн босгох ажилд АНУ туслан, Солонгосын ард түмнийг тэжээж байжээ. Тэжээж хэмээн онцолж буй шалтгаан нь жил бүр АНУ-с өгөх тусламжийн мөнгөөр Солонгосчууд хүнс, нефть, эм, барилгын материал, тоног төхөөрөмж зэрэг амин шаардлагатай бүхнээ гаднаас импортлодог байжээ. Жишээ нь: 1960 оны Өмнөд Солонгосын эдийн засгийг авч үзвэл 32 сая долларын бүтээгдэхүүн экспортолж, 343 сая долларын бүтээгдэхүүн импортолсон байдгийг харьцуулбал худалдааны алдагдал 10:1 хэмжээнд хүрэн эдийн засгийн хувьд дампуурсан орон болсныг харуулж байна. Харамсалтай нь жил бүр АНУ-ын өгөх тусламж буурсанаар Өмнөд Солонгосын эдийн засаг улам бүр доройтож, улс орны хэмжээний хямрал сүйрэл болох нь гэсэн түгшүүр тархан байлаа. 1961 онд Японы Засгийн газраас Өмнөд Солонгосын эдийн засгийн тухай дараах дүгнэлтийг гаргажээ. Үүнд: 

"Өмнөд Солонгосын эдийн засаг 

1. Хүн амын хэт өсөлт

2. Байгалийн баялагийн хомсдол

3. Аж үйлдвэр хөгжөөгүй

4. Цэргийн зардлын хүнд дарамт

5. Улс төрийн ядмаг хөгжил

6. Хөрөнгийн дутагдал

7. Төрийн захиргааны чадавхи сул зэрэг хүнд асуудлууд тээж буй бөгөөд эдийн засаг нь өсч хөгжих, бие даах НАЙДВАРгүй" гэсэн байв. Солонгос орон тийнхүү ирээдүйгүй орон байсан ажээ.    

АЖ ҮЙЛДВЭРИЙН ИХ АЯН

1. Өмнөд Солонгосын ахмад туршлагатай иргэний удирдагчдыг нийтэд нь хамруулсан "Улс орныг Сэргээн босгох төлөвлөлтийн хороо"-г байгуулж, "Хувьсгалт Засгийн газар улс үндэстэн, ард түмний төлөө цаашид юу хийвэл зохистой вэ?" гэсэн сэдвээр тэднээс зөвлөмж хүссэн. Уг хороо олон сэдвээр удтал хуралдсаны эцэст "Эдийн засгийн хөгжлийн төлөвлөгөө боловсруулан, эрчимтэй хэрэгжүүлэх хэрэгтэй зөвлөмж гаргажээ.

2. Хувьсгалт Засгийн газар Худалдаа Үйлдвэрийн Яам зэрэг бүх яам газруудад эдийн засгийн хөгжлийн төлөвлөгөө боловсруулах тушаал өгснөөр яам, газар бүр уг ажлыг хариуцсан хэлтсүүд гарган төлөвлөгөө боловсруулах ажилдаа шамдан оров. 

3. Эдийн Засгийн төлөвлөлтийн хүрээлэн байгуулагдаж яам газар тус бүрийн боловсруулан бэлдсэн "микро" маягийн төлөвлөгөө "макро" төлөвлөгөө болгон нэгтгэн дахин эмхэтгэж албан ёсоор зарлан нийтэлсэн. 

4. Хувьсгалт Засгийн газар хувийн хэвшилд тулгуурлан эдийн засгийн хөгжлийн төлөвлөгөөгөө хэрэгжүүлэх бодлого барьж байсан тул Бизнес эрхлэгчдийг төлөвлөгөөнд оролцох хүсэлт тавьсан бөгөөд бизнесменүүд ч идэвхитэй хамтран ажиллахаа мэдэгдээд "Эдийн засгийн Сэргээн босголтыг дэмжих хороо"-г байгуулсан. Сүүлд "Солонгосын бизнес эрхлэгчдийн нийгэмлэг" гэж нэрээ өөрчилжээ. 

5. Гадаадын хөрөнгө оруулалтыг татах боломжгүй, дайны эрсдэлтэй орон(War Risk Country) гэсэн ангилалд орсон байсан тул БНСУ-д мөнгө зээлдүүлэх хүсэлтэй санхүүгийн байгууллага дэлхийн хаан ч байсангүй. Хувьсгалт Засгийн газраас хувийн хэвшлийн гадаадаас олсон зээлэнд баталгаа гаргана хэмээн хууль батлаад ч амжилт олсонгүй, мөнгө босохгүй байв. Тухайн үед Пак Жөнхый ерөнхийлөгч баруун германд Рейн мөрний гайхамшигтай танилцахын зэрэгцээ, эдийн засгийг хөгжүүлэх төлөвлөгөөг хэрэгжүүлэх зээллэгэ хүсэх зорилгоор айлчлав. Баруун германы Ерөнхийлөгч Любке уриалгахан хүлээн авч, улс орныхоо томоохон бизнесийн бүлэглэлүүдийг уриалан "Өмнөд солонгос бол бидний адил хуваагдлын зовлон үзсэн, ижил хувь тавилантай улс" хэмээн тусламжийн гараа сунгав.      

ХАН МӨРНИЙ ГАЙХАМШИГ

Уриа: "Хийвэл бүтдэг. Солонгос хүн үүнийг хийж чадна." 

Зорилт: Экспортыг нэн тэргүүнд тавих үе (1964-1970 он) -д 1 тэрбум долларын экспорт хийх зорилт дэвшүүлэн, жил бүр экспортыг 40%-иар өсгөх 

Үр дүн: 1964-1970 оны хооронд БНСУ-ын экспорт жилд дунджаар 41,9% өссөн

Зорилт: Аж үйлдвэрийн бүх салбарыг экспортын чиг зориулалттай болгох үе (1973-1980 он) -д 10 тэрбум долларын экспорт хийх зорилт дэвшүүлэн, жил бүр экспортыг 40%-иар өсгөх 

Үр дүн: 1971-1979 оны хооронд БНСУ-ын экспорт жилд дунджаар 39,8% өссөн. 

Солонгос хүний итгэл үнэмшил: "Хийж бүтээх гэж зорьвол бүтдэг юм байна. Бид ч гэсэн хийж чадах юм байна."

16 жилийн турш жилийн дундаж өсөлт 40% байсан нь дэлхийн хэмжээнд урьд хожид байгаагүй үзэгдэл тул  "Гайхамшиг" гэж хэлж болох үр дүн байжээ. 

ХУВИЙН ДҮГНЭЛТ

• Удирдагч. Пак Жөнхый бол Өмнөд солонгосын түүхэн дэхь хамгийн агуу ерөнхийлөгчид тооцогддог. Тэр бол орчин үеийн солонгос орныг бүтээгч. Номын зохиогч Пак Жөнхый ерөнхийлөгчийн хувь хүний зан төлвийн бараг бичээгүй хэдий ч миний анзаарсанаар "бусдыг их сонсдог" хүн болох нь ажиглагдлаа. Тухайн үед түүний үг "тушаал" байсан бөгөөд солонгосын хэн болов ч тэрсэлж чадахгүй байдал нь дарангуйлагч хэмээн шүүмжлүүлэхэд хүргэжээ. 

• Экспортонд тулгуурласан хөгжлийн стратеги. Энэ бол улс орон хөгжихийн тулд экспорт хийх хэрэгтэй гэдэг улс төрийн хоосон лоозон биш. Яагаад гэвэл Пак Жөнхый ерөнхийлөгч, солонгосын ард түмэн энэхүү зорилгод чин сэтгэлээсээ итгэж чадсан учраас энэхүү хөгжлийн стратеги өөртөө асар их хөдөлгөгч хүчийг агуулсан юм.   

• Технократ төр. Төрийн үйл ажиллагааг улс төрч биш, мэдлэгтэй мэргэжлийн хүмүүс удирдахыг хэлнэ. Улс орны хөгжилд төрийн үүрэг оролцоо чухал, ялангуяа тухайн үеийн солонгос нь State Guided capitalism буюу төр өөрөө манлайлагчийн байр суурьнаас улсын эдийн засгийг удирдах гэж оролдож буй учир шилдэг хүмүүсийг төрийн ажилд хэрэглэхээс өөр аргагүй байв. Энэ тухай дэлгэрүүлж судлахыг хүсье. 

• Том корпораци. Samsung, LG, Hyundai, Daewoo зэрэг солонгосын нэрийн хуудас болсон үндэстэн дамнасан корпорациудыг Пак Жөнхый ерөнхийлөгч бойжуулсан гэж хэлэхэд болно. Морган Стэнли, Голдман Сакс зэрэг дэлхийн хөрөнгө оруулалтын банкнууд Солонгосын "жижиг орны том бизнес төрүүлэх" стратегийг үлгэр жишээ хэмээн мэдэгджээ. Эдгээр аварга компаниуд л солонгосын ард түмний өмнө та бидний, дэлхий нийтийн хэдэн борыг сэгсрэх үүрэг хүлээсэн шүү дээ.   

• Ёс суртахуун, дэг журамтай ард түмэн. Хөдөлмөрийг тахин шүтэх, эв нэгдэлтэй байх үзэл санаа өмнөд солонгосын хөгжлийн амин сүнс юм. Пак Жөнхый ерөнхийлөгчийн үеийн солонгосын үсрэнгүй хөгжлийг зарим судлаачид дайны үйл ажиллагаатай адилтгадаг. Тухайн үеийн ихэнх сургуулиуд хагас цэргийн зохион байгуулалттай байв. Өглөө бүр оюутнууд, ажилтанууд, солонгосын ард түмэн "Хийвэл бүтдэг. Бид чадна." хэмээн уриагаа чангаар хэлэн оноогдсон ажилдаа ордог байжээ.  

Ухаалаг ард түмэн гэдэг бэрхшээлийг чин сэтгэлээсээ шийдвэрлэхийг зорьж буй нэгэнтэй хамт байж, хувийн ашиг завшааны төлөө "хямрал" үүсгэгчээс хол байдаг. Пак Жөнхый   

2013.01.15

Супер эдийн засгийг бүтээгчид

                                                                            "Paragon 13" клубын хоёр жилийн ойд зориулав.

"Өөртөө итгэх итгэл бол хувь хүний хамгийн том баялаг" Будда

Дэлхийн хүн төрөлхтөний эв найрамдалын билэг тэмдэг олимпийн наадам дөрвөн жилд нэг удаа болдог. Энэ үеэр спортын 26 төрлийн 300 тэмцээнд улс улсын тамирчид өрсөлдөж, эх орон нэгт ах дүүс нь уухайлан дэмждэг билээ. Тэдгээр тамирчид ард түмэндээ "ИТГЭЛ" өгдөг учраас ард түмэн тэднийгээ чин сэтгэлээсээ дэмждэг болов уу. Харин тэдгээр тамирчид, үндэсний баатруудад хэн итгэл өгдөг вэ? Олимпийн наадмын нээлтийн үеэр орон орны тамирчид туг далбаагаа намируулан гарч ирэх үед тэдний царайн дахь харилцан адилгүй итгэлийн хэмжээг би олж анзаардаг. Миний бахдалыг төрүүлдэг тэр л итгэлтэй байдал АНУ-ын тамирчдын царайнаас гэрэлтэж байдаг юм. Чухам яагаад? Үүнийг би улсынх нь эдийн засгийн байдалтай холбож ойлгодог. Мөнгө бол үнэ цэнийг илэрхийлэгч зүйл. Тэр утгаараа үнэ цэнэтэй зүйл бүтээх чадварт үүний нууц нь оршиж буй гэж би үздэг. Тэдгээр тамирчин охид хөвгүүд, ард түмэн цаашлаад бүхэл бүтэн үндэстэний өөртөө итгэх итгэл тухайн орны хүн ард нь өөрөө хэр их чадвартай, боловсролтой байгаа вэ? гэдэгтэй шууд хамааралтай гэсэн үг юм. Тэгвэл АНУ-ын баялаг бүтээх эрдэмд төгс, үлгэр жишээ хүмүүс нь хэн юм бэ? Манай гаригийн хамгийн супер эдийн засгийн бүтээгчид нь хэв байв? 

''Don't be afraid to give up the good to go for the great" 

John D. Rockefeller

  Жон Дэвисон Рокефеллер

  Энтрепренер, Филантропист, Монополист, Христэд итгэгч 

  1839.07.08 - 1937.05.23 ( 97 насалсан )

  Газрын тос, Стандарт Ойл компанийн үүсгэн байгуулагч

  Монополийн эсрэг хуулиар бизнесийн хөгжлийг нь саатуулсан 

  663.4 тэрбум долларын хөрөнгөтэй 

  АНУ-ын анхны тэрбумтан, Дэлхийн хамгийн баян хүн

  530 сая гаруй долларыг хүмүүнлэгийн ажилд зориулсан

  Чикаго Их сургуулийн үүсгэн байгуулагч

  16 насандаа бүтэн цагийн ажилтай болсон  

  20 настай хувийн бизнес ( гурил, мах, малын тэжээлийн худалдаа )

''Coming together is beginning, keeping together is progress, working together is success'' Henry Ford

           

  Хэнри Форд

  Энтрепренер, Инженер, 

  1863.07.30 - 1947.04.07 ( 83 насалсан )

  Автомашин, Форд Мотор компанийн үүсгэн байгуулагч

  188.1 тэрбум долларын хөрөнгөтэй

  16 насандаа бүтэн цагийн ажилтай болсон.

  Бүтээгдэхүүнийг олноор үйлдвэрлэхийн тулд хөдөлгөөнт 

  үйлдвэрлэлийн нэгдсэн шугам аргыг санаачилсан. 

  Дундаж орлоготой хүмүүс худалдан авч чадах Модель T-г бүтээсэн

  Ажилтануудаа компанидаа үнэнч байлгахын тулд өдрийн 5 доллар  

  цалингийн систем, 6 сараас дээш ажилласан, онцгой авъяастай 

  ажилтануудад ашгаасаа хувь өгөх зэрэг аргуудыг хэрэгжүүлсэн

''As i grow older, I pay less attention to what men say. I just watch what they do'' Andrew Carnegie  

Эндрью Карнеги

Энтрепренер, Филантропист 

1835.11.25 - 1919.08.11 ( 83 насалсан )

Ган, Карнеги Ган Корпорацийн үүсгэн байгуулагч

Карнеги Меллон Их сургуулийн үүсгэн байгуулагч  

298.3 тэрбум долларын хөрөнгөтэй

Гангийн үйлдвэрлэлийн процесст ордог бүхий л зүйлийг эзэмшдэг байсан бөгөөд энэхүү эхлэлээс төгсгөл хүртэл стратеги түүний компанийг өөрийн салбартаа хаанчлах үндсэн болсон.

1901 онд буюу 65 насандаа өөрийн бүх бизнесийг зарж орлогыг нь хүмүүнлэгийн үйлсэд зориулжээ. 

''The first step towards getting somewhere is to decide that you are not going to stay where you are'' J. P. Morgan

  Жон Пиерпойнт Морган

  Энтрепренер, Банкир, Филантропист

  1837.04.17 - 1913.03.31 ( 75 насалсан )

  Санхүү, Ж П Морган хөрөнгө оруулалтын банкны үүсгэн байгуулагч

  1895 оны хямралын үеэр АНУ-ын ЗГ түүний банкинд тусламж хүсэн 

  хандаж байсан бөгөөд төд удалгүй монополь байдлыг эсэргүүцэн

  зарга үүсгэж байв.     

  Түүний хийсэн хамгийн амжилттай хөрөнгө оруулалтууд болох төмөр

  зам болон гангийн үйлдвэрлэл юм. 

  Тухайн үеийнхээ том компаниудыг нэгтгэх үйл ажиллагааг гардан

  зохион байгуулдаг байсан.  

"Opportunity is missed by most people because it is dressed in overalls and looks like work" Thomas Edison

Томас Алва Эдисон

Энтрепренер, Зохион бүтээгч

1847.02.11 - 1931.10.18 ( 84 насалсан )

Электроник, Эдисон Гэрэлтүүлэх компанийг үүсгэн байгуулсан

1903 патент эзэмшдэг

АНУ-ын анхны үйлдвэрийн судалгааны лабораторийг байгуулсан

Дуу хураагуур, Хөдөлгөөнт дүрс бичигч, Электрон гэрлийн чийдэн зэрэг өнөөгийн бидний амьдралд үлэмж нөлөөтэй нээлтүүд хийсэн.

11 настай байхдаа толгой муутай, дүрсгүй хэмээгдэн сургуулиасаа хөөгдсөн тэрээр гэрээр боловсрол эзэмшсэн. 

"If I had learned education I would not have had time to learn anything else." Cornelius Vanderbilt

Корнелус Вандербилт

Энтрепренер, Филантропист

1794.05.27 - 1877.01.24 ( 84 насалсан)

Тээвэр, Усан онгоц, төмөр замын компанийг үүсгэн байгуулсан 

Анх усан онгоцоор хүн болон ачаа тээвэрлэж эхэлсэн бөгөөд яваандаа бизнес нь томорч тив хоорондын тээвэр хийх болсон.

1860-аад оны үед галт тэрэгний аялал ид цэцэглэн хөгжиж байх үед боломжийг алдахгүй хүсээгүй тэрбээр төмөр зам худалдан авсан билээ. Аажмаар төмөр замынхаа бизнесийг өргөжүүлсээр АНУ-ын хамгийн том Төмөр замын бизнесийн эзэнт гүрнийг байгуулжээ. 

- ТЭД -

• Тэд бусдаас түрүүлж бизнесийн орчныг соргогоор мэдэрч, том зургаар харж чаддаг
• Тэд бусдын боломжгүй, чадахгүй гэж үздэг том тоглоомоор тоглодог.  
• Тэд бизнес санаагаа хичнээн гоё болохыг нь яриад байдаггүй, хийгээд бусдад харуулдаг.  
• Тэд багийнхандаа үлгэр дуурайлал байж, амжилтаа хуваалцдаг. 

- БИД -

•     ...?

Итгэл дүүрэн инээмсэглэх 13 залуу

Paragon 13 клуб. Би та бүхэнд клубээ танилцуулая. Энэ удаа нэрнээс эхэлье. 

Paragon гэдэг үгэнд хоёр л утга бий. 

Нэг. Үлгэр жишээ.  Манай клубынхан бүгд менежментийн мэргэжилтэй. Онол ёсоор менежментийн үндсэн дөрвөн функцын нэг нь "манлайлал" юм. Манлайлал гэдэг аливаа багт хамгийн чухал. Манлайлал гэдэг бол амьдралын философи, соёл, хүмүүжил юм. Багийн гишүүн бүр манлайлдаг, манлайлагч байх хэрэгтэй. Манлайлагч гэж сэлэм барьсан хүн биш, манлайлагч гэж дарга биш. Манлайлагч гэж юунд хүрэхээс илүү юуны төлөө оршиж, хамтарч байгаагаа мэддэг, юу авах хүртэхээсээ илүү юу хийх хэрэгтэй байгааг санаачилдаг, өөрөө хийдэг, хариуцлагаа хүлээдэг хүнийг хэлнэ.  Манай клубт дарга гэж байхгүй, харин 13 манлайлагч байдаг.  

Хоёр. Алмааз эрдэнэ. Хорвоо дээр хамгийн хатуу, үнэтэй чулуу бол алмааз. Алмаазыг диамонд харин хамгийн хатуу, үнэтэйг нь Paragon гэдэг. Алмааз яагаад хатуу байдаг вэ? Уул нь зүгээр л нүүрстөрөгчөөс бүрддэг. Нүүрс шиг л гэсэн үг. Гол ялгаа нь түүний "бүтэц". Маш нарийн зохион байгуулалт, уялдаа холбоо нь түүнийг ийн хүчирхэг болгодог. 

13-ын тоо. Энд харин олон утга бий. 

Мэдээж манай клубын гишүүдийн тоо 13. Зүгээр л санаандгүй цугларсан. Нэрээ өгчихөөд тооных нь утганы талаар санаандгүй судалхад их сонин юмнууд гарсан л даа. Нарны аймаг орших Тэнгэрийн заадас хэмээх галактик маань 13 тэрбум жилийн настай, нийтдээ 13 тэрбум од орших бөгөөд тэдний нэг нь цэнхэр дэлхий минь. Манай монгол үндэстэний хамгийн их мандан бадарсан зуун 13-р зуун. Одоогийн хамгийн хүчирхэг эдийн засаг Америк улсыг анх 13 муж нэгдэж байгуулсан. Анхны америк хүн гэгдэх үлгэр жишээ Бенжамин Франклины алдарт 13 зарчим гэж бий. Мөн дэлхийн хамгийн залуу аав 13 настай, Сагсан бөмбөгийн түүхэнд Трэзи МакГрэдди хамгийн бага хугацаанд хамгийн олон гоол буюу 13 секундэд 8 оноо авсан. Есүс дээр 12 дагалдагчийг нь нэмвэл 13, Грекийн 14 бурханаас эцэг Зевсийг хасвал мөн 13 гэх мэтчилэн хөгжилтэй жишээнүүд хөвөрнө. 

Манай клубын нэр PARAGON 13. Бид нэрээ их билэгшээдэг. Цаанаа л нэг агуу учир зөгнөх шиг санагддаг юм аа. 

Анхаарал тавьсанд баярлалаа.  /Зурган дээр дарж томруулж үзнэ үү/

Миний нэг мөрөөдөл

Сэтгэл хөөрлөөр бүтээсэн галзуу том мөрөөдөл надад байдаг. Үүнийгээ би заавал хүрэх ёстой зорилго болгохын тулд "Convert" хийх шаардлагатай болсон. Тэгээд мөрөөдлийг зорилго болгон хувиргагч "Convertor"-ийн эрэл хайгуулд одоогоос 4 жилийн өмнө мордож билээ.  

"Convertor" болгоныг өмнө нь дандаа "Google"-ээс хайгаад "Download" хийчихдэг байсан бол энэ удаа өөр газраас хайх шаардлагатай болсон. 2008 оны 6 сард хайсан хайлтын үр дүнд би энэхүү "Convertor"-ийг олж авч билээ. Download хийх гэсэн боловч даанч төлбөртэй байсан. 

Намайг 4 сая орчим төгрөгийг МУИС-ЭЗС-ийн дансанд хийчих гэсэн. Ингээд 10 жилийн сурагч байх үеийн минь гэнэн цагаахан мөрөөдлийг минь зорилго болгон хувиргагч "Convertor"-ийг татаад install хийлээ. Install нь суух гээд 4 жил болсон. Эцэс сүүлд нь өнөөдөр 100% COMPLATE гэж зааж Marketer гэдэг Programm суудаг юм байжээ. Одоо миний мөрөөдөл бүхэн минь энэхүү Programm-ийн тусламжтайгаар биелэх болно. 

Тийм ээ. Би их мөрөөдөмтгий хүн. Би дэлхийг байлдан дагуулах Монгол бренд бүтээхийг мөрөөдөж байна. 

2012.6.13. Хонхны баярын өглөө

 

Үлгэр жишээ хүний тухай

Солонгос орныг өнөөдрийн хэмжээнд хүртэл хөгжихөд нь нэгэн үеийн золио шаардагдсан байж таараа. Тэдгээр золионы хүмүүсийг түүчээлэх Ким Ү Жүн, өнөөгийн солонгосын ерөнхийлөгч И Мён Баг нарын номыг уншаад “хөдөлмөрч зан чанар л гагцхүү хүнийг хувь заяаных нь ялагч болгодог” гэдэгт хатуу итгэж билээ. Бидний ихэнхид солонгос хүмүүс сэтгэлийн хөдөлгөөн ихтэй, сул дорой санагддаг байж магадгүй, харин би хувьдаа тэднийг тавьсан зорилгынхоо төлөө тууштай тэмцэж чаддаг, дайчин хүмүүс гэж үнэлдэг. Чухамдаа “өөрийн биеийг захирч чадсан нь, их хүмүүнд тооцогдох” болов уу.

Эрх мэдэл хүнийг эвддэг. Иймд хязгааргүй эрх мэдэл хүнийг хязгааргүй эвдэх болно. Жаахан ч болов олсон эрх мэдэлдээ дулдуйдан хүнд суртал гарган, хувийн ашиг хонжоог урьтал болгох нь хүний зан хэмээн бид “байгаагаа” хүлцдэг. Гэвч дандаа тийм биш ажээ. Улс орон, түмэн олноо хөгжүүлэн, өөрчлөлт шинэчлэлтийг хийх гэж л төрсөн гэмээр өндөр ёс суртахуунтай хүмүүн бас байх юм. Тэдгээр “төрцөн хүмүүс”-ийг түүчээлэх Ли Гуан Яао-ны буурай орноос бусдын манлайд Сингапурыг хөтөлсөн түүхийг уншаад “аливаа өөрчлөлтийг ул суурьтай хийх хэрэгтэй агаад хийх арга нь өөрийн орны онцлогийг онцгойлон харгалзсан байх учиртай” гэдэгт ихэд үнэмшиж билээ. Гайхам өөрчлөлтөд хүрэх үндсэн нөхцөл нь засагласан шиг засаглаж чаддаг засаг төртэй байх явдал. Иймд “сайн, муу ч бай улстөрчиддөө итгэж чаддаг нь, жинхэнэ иргэнд тооцогдох” болов уу.    

Хотынхоо гудмаар тэрэг дүүрэн ном түрчээд шавар туучан урагшлах залуу хархүү өнөө цагийн хамгийн хүчирхэг эдийн засагтай орны үндэс суурийг тавилцах тавилантай гэдгээ тэр үед зүүдлээ ч үгүй явсан байх. Асуудал дүүрэн байна гэж гомдоллож суухын оронд түүнийг шийдэхийн төлөө ухаан бодлоо харамгүй чилээдэг “зохион бүтээгч”, “нийгмийн зүтгэлтэн”, “бизнесмен” мөн Анхны америк хүн гэгдэх Бенжамин Франклины намтарыг уншаад “Зарчимдаа үнэнч хүн цаг хугацааны эрхээр хүлээн зөвшөөрөгддөг” гэдгийг ухамсарлаж билээ. Биднийг тойрон эргэж буй бүхэнд хэрхэн хариу үйлдэл үзүүлэх нь эргээд бидний амьдралын өнгийг тодорхойлдог гэж ойлгодог. Үнэндээ “Юуг ч үл ажрах хүчирхэг ертөнцийг дотроо бүтээн түүгээрээ бусдыг гэрэлтүүлдэг нь, үлгэр жишээ хүмүүнд тооцогдох” нь лавтай.